你覺得鍾意男仔,辛苦嗎? /Eric@US

讀了elements 的文章,有感而發,寫了我的感受--也就是我同家人相處的心路歷程。

記得,和ex-bf鬧分手了,我淚流滿面跑到家裡,媽咪第一句安撫我說:「同你個『friend』 拗交嗎?」不知從時開始,「friend」這個代名詞,o係我同媽媽既對話入面,己經多左一重意義,我地都有默契,知道大家指緊既,就係我既男朋友。其實,o係我二之前,我都冇試過同媽咪認認真真咁講過「gay」呢個話題,但係,或者佢地從我既生活中佢地己經看得出端倪,大家都心照不宣了。

一月初,我開始帶ex-bf同屋企人出街食飯。

由細過開始,我一唔開心,我媽一眼就睇得出,眉頭眼額,一定逃唔過佢對眼  。記得剛上大學,參加一次親戚的婚禮,我有點悶悶不樂。婚禮完後,媽咪走過來問了我一句:「你覺得鍾意男仔,辛苦嗎?」(即使在自由的California,Proposition 8都講左咁耐,gay 就像生活在夾縫間,根本一點都不好走。)

話不辛苦,假的。這時,我第一次o係媽咪面前哭了。我知道自己是gay,但我不認同自己。她對我說:「對不起。若果你要怪,你應該要怪我。因為,係我將你帶來呢個世界。」「我知你好介意人地點睇你。但若果你都唔認同自己,你點叫人地認同你?我,阿哥,仲有最硬頸o個個老豆都接受到,點解你睇唔起自己?」

呢次同媽咪對話,一字一句我都牢牢記得。我知道我應該好滿足,無奈我自己,過不了自己的心理關口。

我一直都覺得我呢個媽咪,佢既想法係超open-minded。不過,要open-minded,唔係三言兩語,elements,我好敬佩你就既工作。教育,真係好需要時間。

我平時都會做義務工作,但睇完你既文章,突然覺得自己眼光真係好窄,我從來都冇諗過要為自己的圈子服務,你既工作真係好有意義。

「不管你怎樣,只要你開心過日子,我就心滿意足的」這種單純得笨拙的愛,還有憑著親子間不可分割的關係,而種綿綿,又說不出口的愛,大概只有父母才有資格給予你。我很佩服當時說這話的位母親,因為她份愛,守護了一直辛苦經營的母子關係,道出了天下父母心。還有,我媽媽對我的愛。」 from elements

異性戀的路也未必好走,一頭栽進被歧視的戀愛,艱難更可想像-這是父母要將仔女拗直的原因吧。不過,說穿了,無論學歷高低,父母都係想自己既兒子快樂幸福,不是嗎?我媽就只係中三畢業。

我寫呢篇文章,當然不是鼓勵大家齊齊come out,但係,我想講既係,o係難走既道路上,父母唔一定係阻力。反而,當媽咪知道係gay之後,大家傾心事既機會反而多左,而家,我當媽咪係朋友多過父母。正如elements 所講,「可記得,在遠方對眺望你背影的父母,還有口中訴不盡的綿綿情話,一直以來都保佑著你。」

2008.12

廣告